June, 20, 2020
ఎవరి జ్ఞాపకాలు అవి ? దోసిళ్ళలో మోస్తున్నావ్... ?
నువ్వు ఆస్వాదించని అనుభవాల్ని ఎందుకు ముఖానికి పూసుకుంటున్నావ్?
నీదంటూ ఒక్క అడుగు కూడా లేని ప్రయాణాల్ని నీవిగా ఎందుకు చెప్తున్నావ్?
ఎందుకు అబద్దాల అద్దాల్లో నీ ప్రతిబింబాన్ని వెతుకుతున్నావ్?
మనమంతా గొంగళిపురుగులమే అని తెలియని సీతాకోకచిలుకలున్నాయా?
మరెందుకు గతాన్ని పాపంలా చూస్తున్నావ్?
ఇంకెతకాలం మోసాల అత్తర్లు రాసుకుంటావ్ ?
నువ్వు కట్టుకుంటున్న అరలు అనంతమైన చీకటిలోకి జారుకుంటాయి ,
చిన్న గుడ్డిదీపం కోసం నువ్వు పిచ్చి కేకలు వేసే రోజు వస్తుంది !
అబద్దాలు చెప్పటం ఒక కళ అని,
మోసం చెయ్యటం కూడా నైపుణ్యమని ,
సంపదే అసలైన నిజమని నమ్మిన మనుషుల్లో కొంతమంది
ఇప్పటికే స్మశానంలో శాశ్వత విశ్రాంతిలో వున్నారు ,
రంగులు వెలిసిన ఆ సమాధులను చూస్తే
సత్యం తెలుస్తుంది ! - Ramesh Saral
కామెంట్లు లేవు:
కామెంట్ను పోస్ట్ చేయండి